Цæгат Ирыстоны хицауады æмбырды уый фæдыл сфидар кодтой паддзахадон программæ 2023-æм – 2025-æм азтæн
Ацы аз адæмы æнцонвадат æмæ хæрзхъæд цæрнæуæттæй ифтонг кæнынæн нæ республикæйæн радих кодтой миллиард соммæ хæстæг. Цæгат Ирыстоны хицауады æмбырды уый фæдыл сфидар кодтой паддзахадон программæ 2023-æм – 2025-æм азтæн. Афтæмæй сæ цæрыны уавæртæ фæхуыздæр кæныны фадат уыдзæн 250 бинонтæй фылдæрæн. Ивгъуыд аз та ацы программæ царды рауадзынæн республикæйæн радих кодтой 400 милуан сомы онг. Хицауады æмбырды ма хорзыл банымадтой, муниципалон унитарон куыстуат «Владикавказские тепловые сети» паддзахадон исбонмæ раттыны хъуыддаг. Уымæй дарддæр нæ республикæ архайы, цæрæнуæтты-коммуналон хæдзарады объектты экономикон рæзты пилотон программæйы. Цæмæй йын фæрæзтæ радих кæной, уый тыххæй хъæуы домæнтæ сæххæст кæнын. Сæ иу – иумæйаг регионалон оператортæ саразын. Æмбырды ма ныхас цыд паддзахадон программæ «Горæты æнцонвадат архайд»-ыл 2018-2024-æм азтæн. Премьер Дзанайты Барис куыд загъта, афтæмæй дыууæ азмæ саив кодтой 260 æхсæнадон зонæйы. Ацы аз та нысан кæнынц ноджыдæр 43 территоримæ базилын. Уыцы нысантæн радих кодтой 400 милуан сомы онг.
