Уый, скъолатæ, сывæллæтты рæвдауæндæттæ, фельдшерон – акушерон пункттæ, спортивон фæзтæ
Ацы азы кæронмæ хъуамæ эксплуатацийы радтой, социалон æгъдауæй ахсджиаг чи у, ахæм 46 объектты. Уый, скъолатæ, сывæллæтты рæвдауæндæттæ, фельдшерон – акушерон пункттæ, спортивон фæзтæ. Уый тыххæй дзырдтой республикæйы национ проекттæ царды уадзыны регионалон штабы æмбырды. Амыдта йæ Битарты Вячеслав. Республикæйы Сæргълæууæг бæрнон адæмæн бахæс кодта, цæмæй объекттæ иууылдæр æххæстгонд æрцæуой афоныл.
Æмбырды рæстæг арæзтады æмæ архитектурæйы министр Тотыккаты Артур куыд загъта, афтæмæй подрядон организациты куыстмæ фиппаинæгтæ æрхæссæн кæй нæй. Исты хъæндзинад дзы куы вæййы, уæд æй æвæстиатæй айсынц. Фæлæ уæддæр, кæцыдæр объектты ис лыггæнинаг фарстатæ. 4 хъæуккаг фельдшерон акушерон пункты æмæ сывæллæтты клиникон рынчындоны поликлиникæйы газ нæма ис. Ацы фарстайыл бакусынæн республикæйы Сæргълæууæг радта 10 боны. Иуæй-иу рæтты куыстытæ кæй къуылымпы кæнынц, уый баст у, документтæ цæттæ кæй не сты, уыимæ. Афтæ, Предгорныйы фæстиат кæны бирæвæрсыг хъазæн фæзы арæзтад, Æрыдоны æмæ Црауы та спортивон фæзты нæма цæттæ кæнынц. Республикæйы разамонæг бадомдта, æппæт куыстытæ 20-æм декабрьмæ фæуын.
