Кæцыдæр районты цæрджытæ баззадысты æнæ дон æмæ рухсæй.
Ацы бонты республикæйы цы тæрккъæвдатæ æрцыди, уыдон хæдзæрттæн, социалон объекттæн æмæ быдыртæн æрхастой стыр зиан. Кæцыдæр районты цæрджытæ баззадысты æнæ дон æмæ рухсæй. Дымгæ ахаста хæдзæртты сæртæ, ныппырх кодта бырутæ. Аварион службæтæ ныр дæр ма кусынц уавæр сраст кæныныл.
Бон куы æрбарухс вæййы, уæд Золойты Ларисæ араст вæййы йæ цæхæрадонмæ. Фæлæ ацы хатт йæ ныфс нæ бахаста. Тæрккъæвда йын йæ бæстон куыст зæххы хайæн цы зиан æрхаста, уый сбæрæг кодта æрмæстдæр изæрæй.
Дигорайы хъыгдард баййæфтой цæхæрадæттæ. Ихтæ уыдысты нартхоры гагайы ййæстæ, фæлæ зæххыл састысты æнцонæй. Тæрккъæвда ихимæ нæ респубикæйыл куыд æрзылд, уый нывтæ апарахат сты интернеты.
Ацы кадртæ систой Æрыдоны, тæрккъæвда куыддæр райдыдта, афтæ. Тыхджын дымгæ æртыдта баннертæ, саста бæлæстæ, скъуыдта электрон хызтæ. Горæты фылдæр хай æхсæв арвыста æнæ дон æмæ рухсæй. Бынæттон администрацийы нын куыд загътой, афтæмæй æрдзон фыдбылызы фæстиуджытæ иуварс кодтой цыппар аварийон бригадæйы.
Хъыгдард баййæфтой куыстуæттæ, цæхæрадæттæ, хи хæдзæрттæ. Булат Мирзаханян йæ хæдзары сæр ногæй аразы. Æрæджы цалцæггонд кæй æрцыдис, уый бæрæг дæр нæу.
Республикæйы районты ахæм боныхъæд ахæсдзæнис къуырийы кæронмæ. Ихæй тæссаг ныртæккæ нæу, фæлæ уавæр, гæнæн ис, æмæ аивдзæн.
