06 декабря 2022, 11:16
Багаты Ибрагим сси педагогон дæсныйады æппæтуæрæсеон конкурс «История в школе: традиции и новации»-йы æххæст уæлахиздзау
4 æвзарæн къæпхæны сæрты æнцонæй ахызт æмæ сси хуыздæр 900 архайæджы хсæн
Истори æмæ æхсæнадзонынады ахуыргæнæг Багаты Ибрагим сси педагогон дæсныйады æппæтуæрæсеон конкурс «История в школе: традиции и новации»-йы æххæст уæлахиздзау. 4 æвзарæн къæпхæны сæрты æнцонæй ахызт æмæ сси хуыздæр 900 архайæджы хсæн. Конкурсы комкоммæ этап фæцис 3-æм ноябры. Цæгатирыстойнаг ахуыргæнæнджы æмæ ма 24 лауреаты кадджын уавæры схорзæхджын кодтой Мæскуыйы. Уæвгæ, Ибрагимæн конкурсты архайд ног хъуыддаг нæу. Ныридæгæн йæ тыхтæ бафæлвæрдта 6 æппæтуæрæсеон конкурсы. Æнтыстджынæй æвдисы, бæстæйы историйы хуыздæр ахуыргæнæг кæй у, уый.
темæмæ гæсгæ
