22 ноября 2022, 11:12
Бехъаны цады дамбæ сцалцæг кæныны куыстытæ кæронмæ фесты
Ныртæккæ цады дон здæхы йæ раздæры æмвæзадмæ.
Бехъаны цады дамбæ сцалцæг кæныны куыстытæ кæронмæ фесты. Уæ зæрдыл уын æй лæууын кæнæм, цады цæгатаг фарсы донмарæн хæлд æрцыд 17-æм ноябры. Æрдзон цыртдзæвæн бахъахъхъæныны тыххæй спайда кодтой техникæйы 26 машинæйæ. Сæйраг зындзинад – аварион бынатмæ фæндаг кæй нæ уыд, уый. Фыццаджыдæр акалдтой, чи сæ хъыгдæрдта, уыцы бæлæстæ. Бынатмæ бахæццæ уæвын куы бантыст, уæд дзы ныккалдтой хуыр æмæ æфсæнбетоны хæйттæ. Ныртæккæ цады дон здæхы йæ раздæры æмвæзадмæ.