филиал вгтрк государственная телерадиовещательная компания “Алания”

Уæрæсейы сгуыхт тренертæ Дзæгъойты Рамазан æмæ Наниты Оледжы номарæн турнир уæгъдибар хъæбысхæстæй арæзт æрцыд Беслæны. Архайдтой дзы республикæйы æппæт районтæй æвзонг спортсментæ. Се ппæт дæр сты Цæгат Ирыстоны æмæ Уæрæсейы ерысты уæлахиздзаутæ, стæй европæйаг турнирты призертæ. Номарæн мадзал саразджытæ куыд загътой, афтæмæй ахæм ерыстæ арæзт сты спорты ацы хуыз парахат кæнынмæ, стæй рæзгæ фæлтæры командæйы архайынмæ разæнгард кæнынмæ. Ерысты уæлахиздзаутæ систы Æрыдоны районы минæвæрттæ. Дыккаг бынат бацахста Андиаты Сосланы номыл олимпаг резервы спортивон скъолайы командæ. Рахизфарсы районы командæ та схызти кады пъедесталы æртыккаг къæпхæнмæ.