Турнир арæзт цæуы 2010-æм азæй фæстæмæ Президенты указмæ гæсгæ
Беслæны райдыдта скъоладзауты хсæн «Президентон спортивон хъæзтыты» республикон къæпхæн. Турнир арæзт цæуы 2010-æм азæй фæстæмæ Президенты указмæ гæсгæ. Президентон спортивон хъæзтыты скъоладзаутæ ерыс кæнынц баскетболæй, волейболæй, стъолыл теннисæй, рог атлетикæйæ æмæ мини-футболæй. Регионалон къæпхæн цæудзæн 4 боны. Уæлахиздзаутæ Цæгат Ирыстоны кад хъахъхъæндзысты Æппæтуæрæсеон ерысты. Ацæудзысты Анапæйы. Фидараты Маринæ радзурдзæн бæстондæр.
Æвзонг баскетболисткæ Гуыриаты Валерия спортмæ йæ ргом аздæхта хæрзæрæджы. Уый дæр – йе мкъласонты фæрцы. Уыдон секцимæ рагæй цæуынц. Президентон спортивон хъæзтытæ æрыгон чызгæн систы фыццаг егъау ерыстæ. Куыд зæгъы, афтæмæй командæимæ сæхи бирæ фæцæттæ кодтой.
Хъæзтытæ байгом кæныны кадджын мадзалы архайдта Европæйы æртæ хатты чемпион, Олимпиадæйы бронзæ призер уæгъдибар хъæбысхæстæй Найфонты Артур. Уый фæсивæдæн ракодта зæрдиаг арфæтæ, æмæ сын йæ зæрдæ загъта спортивон æнтыстдзинæдтæ, стæй сæ размæ æвæрд хæстæ æххæст кæнынмæ уæндон къахдзæфтæ кæнын.
Æдæппæтæй ерысты архайынц 150 скъоладзауæй фылдæр республикæйы æппæт районтæй. Президентон спортивон хъæзтытæ сын сты æцæг спартакиадæйы хуызæн. Фыццаг бон лæппутæ æмæ чызджытæ ерыс кодтой баскетболæй æмæ волейболæй. Уый фæстæ та æндæр дисциплинæтæй: рог атлетикæ, стъолыл теннис æмæ мини-футбол.
Ерыстæ арæзт цæуынц 2010-æм азæй фæстæмæ, федералон проект «Спорт царды нормæ» æххæст кæнгæйæ.Президентон спортивон хъæзтыты регионалон къæпхæн цæуы 4 боны. Уæлахиздзаутæ Цæгат Ирыстоны кад хъахъхъæндзысты Æппæтуæрæсеон ерысты. Ацæудзысты Анапæйы.
