Ацы хатт республикæйы районтæй 11 командæйы æрæмбырд сты Беслæны спортивон комплексы
Скъоладзауты спортивон цæттæдзинадыл кусын, физкультурæмæ æмæ сæ спортмæ æмхиц кæнын, стæй рæзгæ фæлтæрæн æнæниз цардыуаг бауарзын кæнын. Беслæны райдыдта скъоладзауты хсæн «Президентон спортивон хъæзтыты» республикон къæпхæн. Турнир арæзт цæуы 2010-æм азæй фæстæмæ Президенты указмæ гæсгæ. Ацы хатт республикæйы районтæй 11 командæйы æрæмбырд сты Беслæны спортивон комплексы. Хъæзтытæ байгом кæныны кадджын мадзалы архайдта Европæйы æртæ хатты чемпион, Олимпиадæйы бронзæ призер уæгъдибар хъæбысхæстæй Найфонты Артур. Уый фæсивæдæн ракодта зæрдиаг арфæтæ, æмæ сын йæ зæрдæ загъта спортивон æнтыстдзинæдтæ, стæй сæ размæ æвæрд хæстæ æххæст кæнынмæ уæндон къахдзæфтæ кæнын. Уæвгæ, Президентон спортивон хъæзтытæ арæзт цæуынц 14-æм аз. Скъоладзаутæ ерыс кæнынц баскетболæй, волейболæй, стъолыл теннисæй, рог атлетикæйæ æмæ мини-футболæй. Президентон спортивон хъæзтыты регионалон къæпхæн цæудзæн 4 боны. Уæлахиздзаутæ Цæгат Ирыстоны кад хъахъхъæндзысты Æппæтуæрæсеон ерысты. Ацæудзысты Анапæйы.
