Ныв адарддæр кæнын сфæнд кодта режиссер Владимир Котт
Бинонты комеди «На деревню дедушке»-йæн йæ дыккаг хай рацыд уæрæх прокатмæ. Ныв адарддæр кæнын сфæнд кодта режиссер Владимир Котт. Киноныв прокатмæ рацыд телеканал «Россия 1»-ы. Бæстондæр хабæрттæ радзурдзæн Чехойты Фатимæ.
Хатгай фыды фыд фаг нæ вæййы. Уæлдайдæр та мады фыд куы фæзыны – зынаргъ лæвæрттимæ, йæ балцыты тыххæй цымыдисаг хабæрттимæ æмæ лæппуйы царды сæйраг адæймаг суæвыны фæнд кæмæ ис, ахæм. Уымæй райдайы бинонты комеди «На деревню дедушке». Лæппуйы уарзондзинадыл Юрий Стояновы æмæ Федор Добронравовы хъайтартæн хъæудзæн тох кæнын.
Дыккаг хайы фыды фыд Юримæ æнæнхъæлæджы æрцыд йæ ныхмæлæууæг – раздæры дипломат Виктор. Хъайтартæ ерыс кæнынц сæ зонындзинæдтæ равдисынæй, кæрæдзиуыл худынц – алчи дæр сæ архайы цыфæндыйæ дæр Владикы йæхиуыл æрæууæндын кæнын. Киноныв æвдисы бинонты истори, кæрæдзийæн барын куыд хъæуы, стæй хатгай хиуæтты тыххæй адæймаг йæ миддуне кæй аивы, уый.
Фыццаг хаймæ бакастысты 2 милуан адæймагæй фылдæр. Дыккаг рацыд фыццаджы æнтыстдзинадæй афæдз фæстæдæр. Уым та ногæй сæмбæлдысты Юрий Стоянов æмæ Федор Добронравов. Ацы киноныв у сæ дыккаг иумæйаг куыст. Сæйраг архайд цæуы бинонты *хсæн, юмор та æххуыс у ахсджиаг хъуыддæгты тыххæй æнцонæй æмæ зæрдиагæй дзурынæн.
Киноныв рацыд уæрæх прокатмæ. Цæгат Ирыстоны фыццаг равдыстытæ сæмбырд кодтой уарзон историйы дыккаг хай æмæ ногæй зонгæ хъайтарты фенынмæ чи *рбацыд, ахæм адæмы. Сæ ныхæстæм гæсгæ, «На деревню дедушке» цымыдисаг у сывæллæттæн æмæ хистæр кары адæмæн. Кæцыдæр цаутæ æрмæст хъæлдзæг нæ бакæнынц, фæлæ адæймаджы аныгъуылын кæнынц арф хъуыдыты.
Бинонты зæрдиаг юмор, ирд актертæ Юрий Стоянов æмæ Федор Добронравовы дуэт, æмæ дзы йæхи, кæнæ йæхиуæтты, æнæмæнгæй, чи базондзæн, ахæм истори. «На деревню дедушке»-йы дыккаг хай фенæн ис кинотеатрты. Уый та у хорз фадат иу изæр бинонтимæ арвитынæн. Киноныв прокатмæ рацыд телеканал «Россия 1»-уы æххуыссæй.
