Республикæйы сæргълæууæг раарфæ кодта, пандемийæйы рæстæг чысыл æмæ астуккаг бизнесæн æххуыс кæй кодтой, уый фæдыл
2020-æм азы æмгуыстады хатдзæгтæ æмæ фидæны æмархайдыл Уæрæсейы фснайæн банкимæ ныхас цыд республикæйы сæргълæууæг Битарты Вячеслав æмæ банчы цæгатирыстойнаг хайады разамонæг Амиран Левитскиимæ. Битарты Вячеслав раарфæ кодта, пандемийæйы рæстæг чысыл æмæ астуккаг бизнесæн æххуыс кæй кодтой, уый фæдыл. Йæхи рдыгæй Амиран Левитский фæнысан кодта хицауадон оргæнтимæ кусын кæй у сæ фыццаградон хæстæй иу. Радзырдта, фарон паддзахадон программæты кæй архайдта 160 куыстуаты, кредиттæ радтой 206 милуанæй фылдæр. 350 куыстуатæн та 831 милуан сомæй фылдæрæн скодтой реструктуризаци. Загъта ма Цæгат Ирыстоны цæрджытæ фарон алы хæрдзтæн кредиттæ райстой 34%, ипотекæ та 62% фылдæр.
Фембæлды рæстæг ныхас цыд æфнайæн банчы архайдимæ республикæ кæй хизы нымæцон куыстмæ.
Ноджы ма Амиран Левитский радзырдта хъæуты цæрджытæн сæм кæй ис ног хуызы лæггæдтæ. Проект кусы 22 хъæуы.
Фембæлды кæронбæттæн Битарты Вячеслав æмæ Амиран Левитский æрдзырдтой дарддæры æмгуыстадыл, стæй республикæйы хицауады оргæнты кусджытæн æфснайæн банчы ахуыртæ саразыныл.
