Республикæйы сæргълæууæг куыд фæнысан кодта, атфтæмæй контролон-нымайæн палатæйыл бæрнон хæс æвæрд ис – йæ цæст дары, регионмæ цы фæрæзтæ цæуы, уыдоны хардзмæ
Республикæйы контролон нымайæн палатæйы ивгъуыд азы куыст æмæ ацы азы нысантыл ныхас цыд Битарты Вячеслав æмæ ведомствæйы разамонæг Хъæлыцты Иналимæ фембæлды рæстæг. Республикæйы сæргълæууæг куыд фæнысан кодта, атфтæмæй контролон-нымайæн палатæйыл бæрнон хæс æвæрд ис – йæ цæст дары, регионмæ цы фæрæзтæ цæуы, уыдоны хардзмæ. Ам сæйрагдæртæ сты национ проекттæ æмæ паддзахадон программæтæ æххæст кæнын. Ведомствæйы разамонæг Хъæлыцты Инал бафиппайдта, кæд æмæ ивгъуыд аз санитарон эпидемиологон уавæрмæ гæсгæ зын уыд, уæддæр сæ куыст иу бон дæр нæ баурæдтой. Уыимæ ковиды ныхмæ тох чи кодта, уыдоны разæнгард кæнынæн цы фæрæзтæ цыд регионмæ, уымæ дæр палатæйы уæнгтæ æдзухдæр сæ цæст дардтой.
Палатæйы разамонæджы хатдзæгтæм гæсгæ, федералон фæрæзтæ цыдысты раст хардзгонд. Фембæлды хатдзæгтæм гæсгæ республикæйы сæргълæууæг Битарты Вячеслав загъта, кæй æууæнды фидæны æмгуыстад дæр зæрдæмæдзæугæ кæй уыдзæн, ууыл.
