Уæ зæрдыл уын æрлæууын кæндзыстæм — уыцы бынаты йæ снысан кодтой ивгъуыд азы кæрон
Битарты Вячеслав фембæлд Цæгат Кавказы æфсæнвæндаджы сæргълæууæг Сергей Задоринимæ. Уæ зæрдыл уын æрлæууын кæндзыстæм — уыцы бынаты йæ снысан кодтой ивгъуыд азы кæрон. Дыууæ разамонæджы дзырдтой Цæгат Ирыстоны æфсæнвæндаджы райрæзтыл æмæ уæзласæн лæггæдты хæрзхъæддзинад фæхуыздæр кæныныл. Сергей Задорин куыд бафиппайдта, афтæмæй Уæрæсейы аразынц æппæт гæнæнтæ, цæмæй уыцы къабаз рæза, уымæн. Уымæй уæлдай загъта фæндон, цæмæй нæ республикæйы фæзына, тагъд чи цæуы, ахæм электропоезд «Ласточка». Сергей Задорины хъуыдымæ гæсгæ, уый суыдзæн ахсджиаг ногдзинад, уымæн æмæ бирæ адæмы фæнды фенын Цæгат Ирыстоны рæсугъд бынæттæ. Хъæппæрисы фарс рахæцыд Битарты Вячеслав дæр. Уымæй уæлдай бафиппайдта, кæй хъæуы баивын ногдæртæй, дæс азæй фылдæр кæуыл цæуы, уыцы вагонтæ.
