Республикæйы разамонæг раарфæ кодта Токаты Хъазыбегæн æмæ йæ кусджыты къордæн, фарон цы ахадгæ куыст бакодтой, уый тыххæй
Битарты Вячеслав æмæ Уæрæсейы Реестры Цæгатирыстойнаг управленийы сæргълæууæг Токаты Хъазыбег сæ кусæг фембæлды æркастысты ведомство æмæ паддзахадон хицаудзинады оргæнты æмгуыстады фарстатæм. Республикæйы разамонæг раарфæ кодта Токаты Хъазыбегæн æмæ йæ кусджыты къордæн, фарон цы ахадгæ куыст бакодтой, уый тыххæй. Битарты Вячеславы хъуыдымæ гæсгæ, исбонадон барты паддзахадон регистраци афойнадыл сæххæст кæнын у ахсджиаг хъуыддаг республикæйæн. Цæгат Ирыстоны ныртæккæ аразынц бирæ объекттæ. Уыдонæй цæмæй æнæкъуылымпыйæ пайда кæнын райдайой, уый тыххæй сын хъæуы афойнадыл паддзахадон регистраци кæнын. Уæрæсейы реестры куысты фæрцы республикæйы бюджетмæ цæуынц æфтиæгтæ. Токаты Хъазыбеджы ныхæстæм гæсгæ, уыцы хъуыддаджы сын æххуыс сты хъалонты оргæнтæ. Ведомствойы разамонæг радзырдта, ивгъуыд азы управлени цы куыст бакодта, уый тыххæй. Æнæбафиппайгæ нæ фæцис, пандемияйы уавæрты сæ архайд кæй нæ баурæдтой, уый дæр. Уымæн æвдисæн у уый æмæ ацы азы фыццаг æмбисы регистрацигонд исбонадон барты бæрц фæфылдæр ис фаронимæ абаргæйæ. Токаты Хъазыбег куыд бафиппайдта, афтæмæй фæстаг цыппар азы дæргъы сырæзт регистрацигонд ног объектты нымæц. «Дæ бæрны цы ведомство ис, уый йæ размæ æвæрд нысантæ æххæст кæны куыд æмбæлы афтæ æмæ хорз уаид, паддзахадон оргæнтимæ æмгуыстад дæр уæлдæр æмвæзадмæ куы схизид, уый — загъта республикæйы разамонæг.
