Уый тыххæй æрвылкъуырион аппаратон æмбырды фехъусын кодта регионы разамонæг
Бындурон цалцæджы фæстæ республикæйы байгом кодтой 30 скъолайы. Уый тыххæй æрвылкъуырион аппаратон æмбырды фехъусын кодта регионы разамонæг. Октябры кæронмæ ма цалцæггæнæн куыстытæ фæуыдзысты ноджыдæр 12 скъолайы. Сергей Меняйло бабар кодта фарстамæ бæстон кæсын. Уымæй дарддæр ма загъта, иу ахуыргæнæндон дæр хъуамæ æнæном ма уа. Цæгат Ирыстоны ис бирæ Советон Цæдисы хъæбатыртæ, зындгонд адæймæгтæ. Чи сæ цы скъола каст фæци, уый хъуамæ хæсса уый ном. Уымæй дарддæр ма республикæйы сæргълæууæг бабар кодта сæрмагонд æфсæддон операцийы архайджыты нæмттæ сæнусон кæнын. Ацы куыст райдайын хъæуы номарæн фæйнæджытæ байгом кæнынæй. Стæй ма æппынæдзух хъуыды кæнын, йе фсæддон хæс абон чи æххæст кæны, уыдоны. Аппаратон æмбырды ма стыр æргом аздæхтой æндæр ахсджиаг фарстатæм дæр. Зæгъæм, ног ахуыры аз фæфылдæр æхснырсæгæй рынчынты нымæц. Фæлхасадмæ цæстдарды республикон управленийы куыд загътой, афтæмæй æппæт скъолаты хъæуы дезинфекцион мадзæлттæ аразын.
