Специалисттæ йæ тæлмац кодтой рагон библийы текстытæй, уыдон фыст сты рагон дзуттаг æмæ бердзейнаг æвзæгтыл
Чырыстон диныл хæст адæмы сæйраг чиныг тæлмацгонд æрцыди ирон æвзагмæ. Библийы презентыци ацыди Национ наукон библиотекæйы. Специалисттæ йæ тæлмац кодтой рагон библийы текстытæй, уыдон фыст сты рагон дзуттаг æмæ бердзейнаг æвзæгтыл. Ацы ахсджиаг куыст сæххæст кодтой Библийы тæлмацы институты æмæ Уæрæсейы библион æхсæнады специалисттæ иумæйагæй. Тæлмацгæнджытæ сæхи бацæттæ кодтой бындуронæй – бæстонæй иртæстой рагон æвзæгтæ, цæмæй адæмы размæ куыд гæнæн ис, афтæ арфдæрæй рахæссой Библийы фыст хъуыдытæ.
Мыхуырмæ йæ цæттæ кодтой дыууын азы бæрц. Тæлмацæн стыр аргъ скодтой специалисттæ. Уымæй уæлдай ссис Дзæуджыхъæу æмæ Аланийы елчыры сæрмагонд арфæйы аккаг. Ног чиныг рухс федта Аланийыл саргъауыны мин сæдæ азы кадæн бæрæгбоны агъоммæ æмæ нымад у чырыстон æхсæнады ирддæр цаутæй иуыл.
