19 июля 2023, 12:01
Дæллаг Зæрæмæджы уадзæн пункты бауырæдтой тамакойы продукцийы егъау парти
Контрабандон уаргъ æмбæхст уыд транспортон фæрæзы сусæг бынаты
Дæллаг Зæрæмæджы уадзæн пункты бауырæдтой тамакойы продукцийы егъау парти. Контрабандон уаргъ æмбæхст уыд транспортон фæрæзы сусæг бынаты. Закъонхалджытæ йæ хъавыдысты Уæрæсейы территорийы апарахат кæнын. Афтæмæй оперативон кусджытæ раиртæстой алы маркæты 4 мины æмæ 500 тамакойы къоппы. Сæ иумæйаг аргъ у 500 мин сомæй фылдæр. Азымджын нæлгоймагыл байгом кодтой уголовон хъуыддаг. Ацы азы райдианæй Уæллаг Ларсы æмæ Дæллаг Зæрæмæджы уадзн пунктты æруырæдтой 70 закъонхалæг цауы. Арæнты сæрты раласынмæ хъавыдысты тамакойы продукци 8 милуан сомæй фылдæры аргъæн.
темæмæ гæсгæ