филиал вгтрк государственная телерадиовещательная компания “Алания”

«Сабырдзинады æмæ æфсымæрады эстафетæ». Дæуджыхъæуы ацыд Цæгат Кавказы фæсивæды æрвылазон спартакиадæ. Архайдта дзы 8 командæйы. Се хсæн Цæгат Ирыстоны, Кæсæг-Балхъары, Хъæрæсе-Черкесийы, æмæ Дагестаны республикæты минæвæрттæ. Ерыс кодтой рог æмæ уæззау атлетикæйæ, бæлвырддæр та – дыгъы уайынæй, бæндæн ивазынæй, уæзæгтæ исынæй æмæ армрестлингæй. Ерыстæ байгом кæныны кадджын мадзалы архайдтой Цæгат Ирыстоны муфти Гуæцæлты Хадзымурат, республикæйы Сæргълæууæджы администрацийы разамонæг Гобеты Ибрагим, физкультурæ æмæ спорты министр Кочиты Сослан, стæй Цæгат Кавказы федералон зылды минæвæрттæ. Спартакиадæ арæзт æрцыд Цæгат Ирыстоны пысылмæтты управленийы хъарутæй.