Aмынд документтæ æмбæлгæ уагыл куы нæ уой, уæд арæнты сæрты ахизыны бар лæвæрд не рцæудзæн.
Цæгат Ирыстоны æдасдзинады федералон службæйы управлени бæлццæтты зæрдыл лæууын кæны, арæнты сæрты хизгæйæ, Уæрæсейы закъон æххæст кæнын æнæмæнг кæй хъæуы, уый. Фылдæр закъонхæлдтытæ вæййы 20 æмæ 45 азы кæуыл сæххæст, уыцы граждæнтæ сæ паспорттæ афойнадыл куы нæ аивынц, уый, 14 азы онг кæуыл цæуы, ахæм сывæллæттæн сæ райгуырды æвдисæндартæ арæнтыл равдисын, 14 азы онг кæуыл цæуы, ахæм сабитæн йемæ куы ничи уа, уый, ныййарджытæй иу хъуамæ нотариусы руаджы сфидар кæна сæрмагонд документтæ, сывæллон цы горæттæ хъуамæ бабæрæг кæна æмæ цы мгъуыдмæ, уый тыххæй. Уымæй уæлдай дзы æнæмæнгæй хъæуы, цæмæй ныййарджытæ разы уой, сывæллон фæсарæнтæм иунæгæй, сæ хæстæджытимæ кæнæ та спортивон командæимæ куы цæуой, ууыл. Ахæм документ хъуамæ сфидар кæна ныййарджытæй иу. Æдасдзинады федералон службæйы управлени фæдзæхсы, амынд документтæ æмбæлгæ уагыл куы нæ уой, уæд арæнты сæрты ахизыны бар лæвæрд не рцæудзæн.
