Уыцы бæллиц сæххæст кодта сæрмагонд æфсæддон операцийы архайæджы бинойнаг Алена Диденко
Хи куыстуат байгом кæнын, уарзон хъуыддагæй дæсныйад рауайын кæнын, æмæ сывæллæттæн се сфæлдыстадон хъомыс раргом кæнынæн æххуыс кæнын. Уыцы бæллиц сæххæст кодта сæрмагонд æфсæддон операцийы архайæджы бинойнаг Алена Диденко. Июлы ацыд тренинг Центр «Мой бизнес»-ы. Уым æфсæддонтæ æмæ сæ хиуæттæ истой зонындзинæдтæ финансон дæсныйадæй æмæ амалхъомдзинадæй. Бæллицæй царды сæйраг хъуыддаг куыд рауад, уый тыххæй радзурдзæн Чехойты Фатимæ.
Йæ цæстытæ цæхæртæ калгæйæ, зæрдæрухсæй Алена Диденко цалдæр мæйы сывæллæттæн аразы сфæлдыстадон ахуыртæ. Йæ сабибонтæй фæстæмæ йын тынг цымыдисаг у нывкæнынад. Уымæ гæсгæ йæ рагæй фæндыд йе *взæрст хъуыддагмæ уарзондзинад иннæты зæрдæты *взæрын кæнын.
Аленæ æрмæст педагог нæу — сарæзта сæрмагонд тыгъдад хи хъуыддаджы рæзтæн. Ахсджиаг ын уыдис сывæллæттæн лæвар кæнын, кæддæр йæхицæн цы нæ фаг кодта, ахæм зонындзинæдтæ æмæ æнкъарæнтæ. Сахуыр кодта амалхъомдзинады курсыты, сæмбырд кодта фæрæзтæ, ссардта агъуыст. Афтæ йын бантыст йæ зæрдæйы фæнд сæххæст кæнын.
Скъолайы ахуыргæнинæгтæ æнкъарынц сфæлдыстадон сæрибардзинад. Сæхæдæг равзарынц, цымыдисаг сын у, сфæлдыстады уыцы къабаз. Абайты Маркæн йæ зæрдæмæ тынгдæр цæуынц пейзажтæ. Лæмбынæг бакуыста, Плиты Иссæйы цыртдзæвæн кæм ис, Терчы былгæроны уыцы хай ныффыссыныл. Аивадон скъолайы ахуыр кæны, куы байгом, уыцы бонæй фæстæмæ. Йæ ныхæстæм гæсгæ, ам йæ зæрдæмæ тынг цæуы.
Скъолайы ахуыр кæнынц сывæллæттæ, 4 азæй 16 азы онг кæуыл цæуы, ахæмтæ. Кæстæр къордмæ — хицæн ахаст: хъæуы сæ ахуыр кæнын кусæнгæрзтыл хæцын, сфæлдыстадмæ лæмбынæг ахастыл. Аленæ йæ цæст дары æппæт лыстæг хабæрттæм дæр, æрыгон нывгæнджытæн амоны дæсныйады сусæгдзинæдтæ. Елена Шаповалова фыссы натюрморт: дидинджытæ — вазæйы. Ам цы зонындзинæдтæ райста, уыдонæй пайда кæны сфæлдыстадон куыстгæнгæйæ.
Аленæ ахуыр кæны, йе *нæниздзинад хъыгдард кæмæн у, ахæм сывæллæтты дæр. Уымæн æм ис æм сæрмагонд сертификат. Хицæн къорд нæма сарæзта, алы сывæллонимæ дæр кусы хибарæй.
Алена Диденко у сæрмагонд æфсæддон операцийы архайæджы бинойнаг. æрæджы йæ къаимæ сарæзтой дæсныйад æвдисæн ахуыртæ иннæ æфсæддонты сывæллæттæн.
Йæ цард сфæлдыстадимæ бабæттын фæнд чи кæны, уыдон ам цæттæ кæнынц профилон уæлдæр ахуыргæнæндæттæм бацæуынмæ. æвзонгдæртимæ та цæуы хицæн куыст — уыдон архайынц сфæлдыстадон постановкæты, зонгæ кæнынц аргъæутты хъайтартимæ, ахуыр кæнынц зарын.
Скъолайы символæн æвзæрст æрцыдис ирд рувас. Ацы зынгхуыз нысан æхсызгонæй сæмбæлы аивад чи уарзы, уыдонæй се *ппæтыл дæр. Афтæмæй, рагон бæллиц сæххæст, йе *нкъарæнтæ алыхуызон ахорæнтæй равдисын алы сывæллонæн дæр йæ бон кæм у, ахæм æнцонвадат тыгъдад саразгæйæ.
