Сывæллæтты патриотон хъомыладæн æмæ сæ зондахаст фидардæр кæнынæн пайдайаг мадзал
Сывæллæтты патриотон хъомыладæн æмæ сæ зондахаст фидардæр кæнынæн пайдайаг мадзал. Дигорайы уыд Гусаты Георгийы номыл шахмæттæй республикон турнир. Спортивон мадзалæн æвдисæн уыд Сосранты Жаннæ, æмæ йын бакæсæм йæ сюжетмæ.
Иу фембæлд, иннæмæй зæрдиагдæр. Дигорайы культурæйы хæдзары арæзт æрцыд радон мадзал. Гусаты Георгийы номыл шахмæттæй республикон турнир. Бацархайдтой дзы республикæйы цыппар районы авд скъолайы минæвæрттæ. Иу хатт йæм чи æрбацæуы, уый фенхъæлмæ кæсы иннæ азы ерыстæм.
Цогойты Анжеликæ турнирмæ æрбацыд Красногоры хъæуæй. Шахмæттæй хъазын йæ зæрдæмæ хæстæг у. Фæархайы алы æмвæзады ерысты. Куыд зæгъы , афтæмæй шахмæттæ тынг ахсджиаг сты сабийы зондахаст фидардæр кæнынæн.
Сывæллæтты æнкъарæнтæ æмбаргæйæ, республикон ерыстæ саразæг, патриотон клуб «Фыдыбæстæ»-йы сæргълæууæг Хъарданты Тимур архайы арæхдæр сын æхæм фембæлдыдтæ аразыныл.
Ацы мадзалы чи бацархайдта, уыдон иууылдæр хорзæхгонд æрцыдысты арфæйы гæххæттытæй, уæлахиздзаутæн та радтой кады гæххæттæ, майдантæ, зæрдылдарæн лæвæрттæ.