Уыдон мадæн операци кæнгæйæ æнæнхъæлæджы асастой сывæллоны сины стæг
Æппæты æрыгондæр пациент. Дохтыр Кудзаты Хъазыбег сраст кæндзæн Кæсæг-Балхъары дохтырты рæдыд. Уыдон мадæн операци кæнгæйæ æнæнхъæлæджы асастой сывæллоны сины стæг. Ныр зæрдæ дарæн ис, æмæ гыццыл пациенты æнæниздзинадæн тæссаг нал у.
Элина Ахмедовайæн уæззау операци куы скодтой, уæд ыл цыди æрмæстдæр 2 къуырийы. Йæ сины стæг ын асастой гуыргæйæ, йæ мадæн сæрмагонд операцийы рæстæг.
Чызг райгуырд Кæсæг-Балхъары, фæлæ бинонтæ æххуыс бацагуырдтой Кудзаты Хъазыбегæй. Уый рахаста уынаффæ ноггуырдæн операци скæныны тыххæй. Æххуыс та йын кодта сывæллæтты анестезилог Быценты Ролан. Сæвæрдтой йын дзы спицæ.
Дохтыр Кудзаты Хъазыбег зæгъы, йæ фæлтæрдзинады рæстæг ацы операци æппæты зындæр не схондзынæ, фæлæ уыд бæрнон, уымæн æмæ йæ пациентыл цыд æрмæстдæр 15 боны. Операци ацыд хорз, цалдæр боны фæстæ спицæ сисдзысты. Ныр дохтыртæ куыд зæгъынц, афтæмæй сывæллонæн йе нæниздзинадæн тæссаг нал у.
