Ам куыд зæгъынц, афтæмæй цæстдарæн гæнæнтæ ацы къахвæндагыл сæвæрдтой эксперименты хуызы
Домбайтæ куыд тезгъо кæнынц Цæгат Ирыстоны фæдзæхст бынаты, уый бахауд видеомæ. Ам куыд зæгъынц, афтæмæй цæстдарæн гæнæнтæ ацы къахвæндагыл сæвæрдтой эксперименты хуызы. Зæгъын хъæуы уый, æмæ ныридæгæн республикæйы фæдзæхст бынæтты кæй ис 100 домбайы. Цæрæгойтæн ацы бынат сæ зæрдæмæ фæцыд. Сæхи æнкъарынц хорз. Уыимæ сын æдас у знаггад æрхæсджытæй. Домбай у – дунейыл иунæг цæрæгой, кæцыйы бантыст хъæддаг æрдзмæ æрбаздахын йе скуынæг кæныны фæстæ. Уæрæсеæйы домбайтæ сбирæ кæныны программæ кусы 1950-йæм азтæй. Ацы бонты Цæгат Ирыстоны фæдзæхст бынат райста радон уæрæсейаг Фонды грант. Бакусдзысты дзы, республикæйы цы домбайты къордтæ цæры, уыдон фæфылдæр кæныныл. Ныридæгæн уыцы фæрæзтæй æлхæд æрцыд квадрокоптер æмæ 10 видеоисæн кусæнгарзы.
