Сыгъдæг Георгийы номыл аргъуаны уыд радон рейд
Доныскъæфæнты бон Дзæуджыхъæуы уынгты æруыромдзысты транспорты змæлд. Паддзахадон автоинспекци куыд хъусын кæны, афтæмæй ацæуæн нæ уыдзæнис Рождественскийы уынджы, Августы цауты, Хъантемыраты, Гастелло, Дзержинскийы, Тургеневскийы, Митькины, Церетелийы æмæ Армянскийы уынгты, стæй Красногвардейскийы хидмæ æввахс. Фæндæгтæ сæхгæндзысты 8 сахатыл æмæ сæ байгом кæндзысты бæрæгбоны мадзæлттæ куы ахицæн уой уæд. Шофыртæм сидынц цæмæй уавæр æмбарой æмæ æндæр фæндæгтæ агурой. Доныскъæфæнты агъоммæ профилактикон мадзæлттæ аразынц æнæнхъæлæджы уавæрты министрады кусджытæ дæр. Сыгъдæг Георгийы номыл аргъуаны уыд радон рейд. Зынгсирвæзтытæм цæстдарды службæйы специалисттæ сфæлхат кодтой æдасдзинады мадзæлттæ. Стæй радзырдтой – сойын цырæгътæй раст куыд пайда кæнын хъæуы, цæмæй зынгсирвæзт ма рцæуа, уый тыххæй. Зæгъæн ис, æмæ республикæйы аргъуантæ се ппæт дæр сты цæттæ доныскъæфæнты бæрæгбонмæ.
