Проекты фæлгæты реставраци скæндзысты хæдзары æддаг бакастæн, быруйæн æмæ тыргъæн
Дур-Дуры Тугъанты Махарбеджы хæдзар-музей фæнд кæнынц сцалцæг кæнын. Проекты фæлгæты реставраци скæндзысты хæдзары æддаг бакастæн, быруйæн æмæ тыргъæн. Тугъанты бинонты хæдзар арæзт æрцыд 19-æм æнусы. Фæлæ 20-æм азты нывгæнæджы Цæгат Ирыстоны репресситæй ирвæзын куы бахъуыд, уæд хæдзар æдзæрæгæй баззад. Бæстыхай мемориалон хæдзары статус райста 2009-æм азы. Хæдзар йæ хуыз фесæфта, уымæ гæсгæ проект саразджытæ кусынц, музейон фондтæй 19-æм æнусы хъæддзаумайæ. Филиалæн балæвар кодтой Тугъанты мыггаджы бæлас æмæ нывгæнæджы мольберт. Цалцæггæнæн куыстытæн фæрæзтæ сæмбырд кодтой Тугъанты Махарбеджы номыл музейы кусджытæ, коммерцион равдыстыты руаджы. Экспозицимæ хаст æрцыдысты музейы фондты куыстытæй. Уыдон та сты, Махарбеджы фырт Энвер Цхинвалæй 1991-æм азы цы нывтæ æмæ документалон дзаумæттæ рахаста, уыдон.
