Проект æххæстгонд æрцыд культурон хъæппæристы президентон фонды гранты руаджы
Дзæуджыхъæуы ацыд театралон фестиваль «Три столицы»-йы кæронбæттæн хай. Раздæр ацыдис Сухум æмæ Цхинвалы. Проект æххæстгонд æрцыд культурон хъæппæристы президентон фонды гранты руаджы. Архайы дзы алы республикæйæ дæр иу коллектив: ШКиТы камерон театр, Хуссар Ирыстоны Хетæгкаты Къостайы номыл паддзахадон драмон театры труппæ æмæ Абхазы паддзахадон драмон театр. Сарæзтой йæ Цæгат Ирыстоны театралон архайджыты Цæдисы хъæппæрисæй. Бæстондæр радзурдзæн Чехойты Фатимæ.
Кавказаг адæмты культурæты егъау мадзал нæ мынæг кодта 10 боны дæргъы. Театралон фестиваль «Три столицы» — дæсгай километры дæргъæн иу стыр сценæ. Йæ кæрон ссардта Цæгат Ирыстоны. Ам уникалон постановкæтæ равдыстой фæлтæрдджын æмæ æрыгон режиссертæ Абхазы æмæ Хуссар Ирыстоны паддзахадон драмон театртæй æмæ Дзæуджыхъæуы камерон театр ШКиТæй. Рады фыццаг — Абхазы труппæйы моноспектакль «Китайская история».
Фестиваль арæзт æрцыдис Михаил Булгаковы райгуырды 135 азы кадæн. Уымæ гæсгæ ахæм моноспектакль хуымæтæджы *взæрст не *рцыдис. Граждайнаг хæсты рæстæг æнæнхъæлæджы Уæрæсемæ чи *брахауд, ахæм мæгуыр китайаг лæджы истори. Уацмыс — хæсты æгъатырдзинадыл дзурæг. Театры сценæйы фыццаг æвдыст æрцыдис, уымæ гæсгæ у уникалон. Арæзт у монолоджы хуызы: хъайтары — театрдзауимæ. Ахæм куыст актерæн у ног фæлтæрддзинад.
Спектаклæй уæлдай фестивалы уазджытæ Паддзахадон филармонийы бабæрæг кодтой Цæгат æмæ Хуссар Ирыстоны, стæй Абхазы театралон нывгæнджыты равдыст. Арæзт æрцыдис Уæрæсейы театралон архайджыты Цæдисы 150 азы бонмæ. Фенæн дзы уыдис Цæдисы разамонджыты æмæ уæды рæстæджы бæстæйы зындгонд театралон архайджыты хуызистытæ, базонæн сæ царды хабæрттæ.
Фестивалы кæронбæттæн къæпхæны арæзт æрцыдысты дæсныйад æвдисæн ахуыртæ, актеры дæсныйады фыццаг къаздзæфтæ чи кæны, уыдонæн. Ацы егъау мадзал ацыд культурон хъæппæристы Президентон фонды æххуысæй.
Æппæтадæмон театралон фестиваль «Три столицы», æнæмæнг, раздæхдзæн хæлар республикæты театртæм. Æндæр регионты коллективты се *хсæнмæ райсгæйæ ма, чи зоны æмæ йæ географи дæр фæуæрæхдæр уа.
