13 октября 2021, 12:23
Дзæуджыхъæу 10-æм хатт æгасцæуай загъта фсæддон ерысты фестиваль «Мирный Кавказ»-ы архайджытæн
Сæ арæхстдзинад дзы равдыстой мин спортсменæй фылдæр, се хсæн Кæсæг-Балхъары æмæ Цæцæны республикæйы минæвæрттæ дæр
Дзæуджыхъæу 10-æм хатт æгасцæуай загъта фсæддон ерысты фестиваль «Мирный Кавказ»-ы архайджытæн. Сæ арæхстдзинад дзы равдыстой мин спортсменæй фылдæр, се хсæн Кæсæг-Балхъары æмæ Цæцæны республикæйы минæвæрттæ дæр. 16 азæй 18 азы онг кæуыл цæуы, уыцы фæсивæд тох кодтой 11 дисциплинæйы. Уый, къуххæсты алы хуызтæ, таййаг бокс, самбо, кикбоксинг. Цæгат Ирыстоны иугонд командæ фыццаг бынат бацахста иумæйаг хыгъды, сæ фæстæ Кæсæг- Балхъар. Фидæны фестиваль хъавынц фæуæрæхдæр кæнынмæ. Уæвгæ та, арæзт цæуы 2007-æм азæй нырмæ. Æрвылаз дзы фæархайынц мин спортсменмæ хæстæг.
темæмæ гæсгæ
