Фæлæ æдасдзинады æппæт домæнтæн ног фæндаг дзуапп дæтты, æви нæ, уый базоныныл бацархайдтой æппæтуæрæсеон адæмон фронты цæгатирыстойнаг штабы активисттæ
Дзæуджыхъæуæй Мæздæгмæ ног трассæйы рацарæзт кæронмæ фæхæццæ кæны. Уый у æппæтæй цыбырдæр фæндаг республикæйы дæрддзæфдæр районмæ. Фæлæ æдасдзинады æппæт домæнтæн ног фæндаг дзуапп дæтты, æви нæ, уый базоныныл бацархайдтой æппæтуæрæсеон адæмон фронты цæгатирыстойнаг штабы активисттæ. Семæ объектмæ абалц кодта не сфæлдыстадон къорд дæр, æмæ бæлвырддæр хабæрттæ радзурдзæн Сокаты Фатимæ.
Æппæтуæрæсеон адæмон фронты специалисттæ тынг бадис кодтой, фæндаг официалон æгъдауй нæма байгом кодтой, афтæмæй бирæ уаццæгты ныридæгæн раиртæстой фиппаинæгтæ. Эксплуатацийы цалдæр мæймæ ног трассæйыл фæзындысты æмпъузæнтæ. Æмæ ууыл дæр нæ бадис кодтаиккой, куыд æмбæлы, афтæ конд куы рцыдаиккой, уæд.
Ахæм уаццæгтæ фенæн ис æнæхъæн трассæйыл дæр Дзæуджыхъæуæй- Мæздæгмæ. Фæлæ фарста æрмæст æмпъузæнты нæй. Иуæй-иу рæтты фехæлдысты фæндаджы хахнывтæ. Хицæн бынæтты йæ уæвгæ дæр нæ равзардзынæ. Трассæ у зын. Ис дзы бирæ тæссаг фæзилæнтæ, схизæнтæ æмæ æрхизæнтæ. Алы тæссаг уаццаджы размæ дæр хъуамæ уа сæрмагонд фæндаггон нысан сложная. Уæвгæ та дзы нæй.
Ацы хъуыддæгтæй рахизгæйæ, æмтгæй райсгæйæ фæндаг арæзт у хорз, зæгъынц эксперттæ. Сæ хъуыдымæ гæсгæ, фæндаджы уæлцъары бæзн арæзт у нырыккон технологитæм гæсгæ. Ис æппæт æмбæлæг инфраструктурæ. Фæлæ ма цы фиппаинæгтæ ис, уыдоныл дæр хъæуы бакусын, цæмæй трассæ æххæстæй уа æдас. Уæвгæ та фиппаинæгтæ кæй æрхастой, уымæн йæ аххосаг у – арæзтады æмгъуыд хæрз цыбыр кæй уыди, уый, зæгъынц æхсæнадон кусджытæ.
Ног трассæйы уавæрмæ Æппæтуæрæсеон адæмон фронты уæнгтæ сæ цæст дардзысты дарддæр дæр. Йæ хæрзхъæддзинад та 7 азы дæргъы лæудзæн подрядон организацийы гранатийыл. Уымæ гæсгæ æхæснадон кусджытæ хъуамæ хæстæгдæр рæстæг сæмбырд кæной æппæт хъæугæ информаци, æмæ йæ арвитой профилон ведомствотæм.
