Экспонат республикæмæ сласдзысты космонавтикæйы боны агъоммæ æмæ йæ сæвæрдзысты скъолайы астрономон фæзы
Къомайты Русланы номыл дзæуджыхъæуккаг космонавтикæйы скъоламæ сласдзысты, космосон нау «Союз»-ы цы аппаратæй пайда кодтой, уый. Уый тыххæй фехъусын кодта Цæгат Ирыстоны Сæргълæууæджы æмæ хицауады пресс-службæ. Экспонат республикæмæ сласдзысты космонавтикæйы боны агъоммæ æмæ йæ сæвæрдзысты скъолайы астрономон фæзы. Йæ диаметр у 2 метры æмæ рдæг, йæ уæз 2 тонны. Зæгъын хъæуы уый, æмæ уникалон скъола саразыны æмæ Дзæуджыхъæуы планетарийы рацарæзты хъæппæрис разынд космосон аппаратты конструктор Къомайты Русланмæ. Абон скъолайы ахуыр кæны 500 сывæллоны онг. Кæй фæнды, уыдонæн се ппæтæн дæр, арæзт цæуынц экскурситæ, фæархайынц ахуырадон дæсныйадæвдисæг ахуырты, уæлдай цымыдисагдæр сæм фæкæсы астрономон цæстдард телескопæй, бакæсынц сын лекцитæ. Ныртæккæ дæр сæм ис бирæ фæндтæ æмæ нысантæ. зæгъæм, музей фæхъæздыгдæр кæнын, ахуырадон дисциплинæтæ фæнывылдæр кæнын, стæй скъолайы æддаг бакаст сног кæнын.
