Уый тыххæй хатдзæгтæгæнæн конференцийы фехъусын кодта центры директор Цыбырты Алексей
Ивгъуыд аз Уæрæсейы наукæты академийы Дзæуджыхъæуккаг наукон центры минæвæрттæ бакуыстой æмæ иртасынмæ арвыстой зымæгон мæнæуы 2 хуызы «Арс» æмæ «Фарн». Уый тыххæй хатдзæгтæгæнæн конференцийы фехъусын кодта центры директор Цыбырты Алексей. Уæрæсейы наукæйы боны агъоммæ уыд дзыллон информацийы фæрæзтимæ фембæлд. Конференцийы радзырдтой 2023-æм азы алы наукон къабæзты æнтыстдзинæдты тыххæй. Æххæстæй конд æрцыдысты иртæстытæ 26 темæмæ гæсгæ. Уыдоныл архайдта центры 243 кусæджы. Цыбырты Алексейы ныхæстæм гæсгæ. республикæйы территорийæн ис бæрзонд сейсмикон бæрæггæнæнтæ. Цæгат Ирыстоны æппæт горæттæн бакуыстой сейсмикон микрорайонтæгæнæн картæйыл. Дзырдтой ма, гуманитарон наукæты æнтыстдзинæдты тыххæй дæр. Фарон июны мыхуыры рацыд «Ирон Нартиадæйы энциклопеди». Арæзт æрцыд 30 тематикон мадзалæй фылдæр. Дзырдтой дзыллон-æппæтадæмон æмгуыстады тыххæй дæр.