Иттæг хорз бæрæггæнæнтæ равдыстой Сочийы КВН-ы Кубокы
Дзæуджыхъæумæ уæлахизимæ сыздæхт Цæгат Ирыстоны тæрхондоны бардзырдтæ æххæстгæнæг федералон службæйы цæгатирыстойнаг управленийы КВН-ы командæ «Зона комфорта». Иттæг хорз бæрæггæнæнтæ равдыстой Сочийы КВН-ы Кубокы. Уæлахиздзаутыл традицимæ гæсгæ сæмбæлдысты æртæ чъирийы æмæ ирон кæфтытимæ. Фембæлды архайдта управленийы хайады хицау Владимир Моравец, ацы къабазы ветеранты советы сæрдар Дзебойты Хазби, кафты ансамбль «Нартæ» æмæ куыстуаты минæвæрттæ. Сæ раныхасы куыд загътой, афтæмæй сæ алчидæр сæрыстыр у курдиатджын фæсивæды æнтыстытæй. Уый у æппæт республикæйы уæлахиз дæр, загътой командæйы уæнгтæ. Сæ профессионалон архайды тыххæй сын бузныг загътой управленийы разамынд, æмæ сын сæ зæрдæ загъта ног æнтыстытæ.
