Æххæст сты нырыккон кусæнгæрзтæй
Дзæуджыхъæуы 2 профессионалон ахуыргæнæндоны – электрон колледжы æмæ арæзтадон техникумы – байгом кодтой ног æрмадзтæ. Æххæст сты нырыккон кусæнгæрзтæй. Ратдзысты, фидæны специалистты бæрзонд æмвæзадыл цæттæ кæныны фадат. Ацы хъуыддаг къухы бафтыд федералон гранты фæрæзты фæрцы.
Графикон дизайн, анимацигонд баннер, æфтуаны мобилон хуыз. Электрон колледжы студенттæ ахадгæйæ кусынц фидæны сайты контентыл. Нырыккон компьютерон ифтонггæрзтæ сын æххуыс кæнынц, цавæрфæнды программон хынцæгтæ дæр æххæст кæнын. Сног кодтой ма иу æрмадз. Компетенци – хызон æмæ системон администрировани. Ног фæзтæ кæй фæзынд, уый ратдзæн, регионы специалистты ног бæрзонд æмвæзадыл цæттæ кæныны фадат.
Инновацитæн радих кодтой 13 милуан сомы. Уыдон сты федералон гранты фæрæзтæ нацпроект «Ахуырад»-мæ гæсгæ. Колледжы ма байгом бизнесæн программон хынцæгты компетенци дæр. Цæгат Ирыстоны у фыццаг æмæ нырма иунæг. Хæстæгдæр рæстæг ам арæзт æрцæудзæн IT-къабазы профессионалон дæсныдзинады ерысты регионалон къæпхæн.
Ахæм паддзахадон æххуыс ма райста профессионалон ахуырады иу кусæнуат. Арæзтад æмæ штукатурон куыстытæ, архитектурæ. Студенттæ монтаж кæнынц згъæр каркастæ, гипсæй конд арæзтадон плитатæй уæлхуыд кæнынц. Ныр та ма арæзтадон техникумы байгом агуыридур æвæрыны фæз дæр. Дзуапп дæтты «Æрыгон профессионалты» чемпионаты дунеон стандарттæн. Æххæст у, объектты цы арæзтадон æрмæджытæй æмæ кусæнгæрзтæй пайда кæнынц, ахæмтæй.
Фæхуыздæр уыдзæн ахуырады хæрзхъæддзинад дæр. Колледжтæ уаддзысты, фæлтæрдджын дæснытимæ æмбæлгæ конкуренци чи кæндзæн, ахæм специалистты. Уыдонæн гом кæнынц, профессионалон кусæнгæрзтæй æххæст нырыккон æрмадзтæ.