05 мая 2022, 11:11
Дзæуджыхъæуы 30-æм скъолайы арæзт æрцыд Лæгдзинады урок
Скъоладзаутæ бацæттæ кодтой презентацитæ æмæ хъусынгæнинæгтæ сæ бинонты æмæ хæстæджыты тыххæй
Уæлахизы Боны агъоммæ Дзæуджыхъæуы 30-æм скъолайы арæзт æрцыд Лæгдзинады урок. Скъоладзаутæ бацæттæ кодтой презентацитæ æмæ хъусынгæнинæгтæ сæ бинонты æмæ хæстæджыты тыххæй. Бæстон дзы радзырдтой, Фыдыбæстæйы Стыр хæсты рæстæг немыцаг фашисттимæ куыд тох кодтой, уый. 10-æм æмæ 11-æм кълæсты ахуырдзаутæ акодтой патриотон зарджытæ, аив бакастысты хæстон æмдзæвгæтæ. Ахуыргæнджытæ та фæсивæдæн радзырдтой Цæгат Ирыстоны салдæтты æмæ сæ хъæбатырдзинады тыххæй. Патриотон урокмæ ма райдиан кълæсты ахуырдзаутæ бацæттæ кодтой хæстон тематикæимæ нывтæ. 9-æм маймæ ахæм мадзæлттæ скъолайы арæзт фæцæуынц алы аз дæр.