Ныхас цыди, дæсныйад адæймаг раст куыд хъуамæ равзара, ууыл
Дзæуджыхъæуы 48-æм скъолайы рауагъдонтæн фембæлд уыди спорты министр Кочиты Сосланимæ. Ныхас цыди, дæсныйад адæймаг раст куыд хъуамæ равзара, ууыл. Скъоладзаутæ активонæй лæвæрдтой фæрстытæ. Фидæны абитуриентты базонын цы фæндыд, уыцы фæрстыты сæйрагдæр уыди уæлдæр ахуыргæнæндон æвзаргæйæ ма фæрæдийын. Министр сæ базонгæ кодта йæхи фæлтæрддзинадимæ, радта сын цалдæр амынддзинады. Скъоладзаутæ базыдтой бирæ ногдзинæдтæ. Цымыдисаг сæм фæкасти Сосланимæ аныхас кæнын. Бафарстой йæ йæ профессионалон ахуырады тыххæй, стæй республикæйы райрæзты тыххæй. Иу ныхасæй, фæрстытæ уыдысты алывæрсыг. Кæронбæттæны сын министр арфæ ракодта, æмæ сын йæ зæрдæ загъта, цæмæй фæлварæнтæ радтой æнтыстджынæй.