филиал вгтрк государственная телерадиовещательная компания “Алания”

Дзæуджыхъæуы 50-йæм скъолайы арæзт æрцыд хæрзаудæн армукъа. Ахуырдзаутæ сæ ныййарджытимæ æрбахастой алыхуызон хойрæгтæ. Кълæстæ хæлттæ сæппæрстой æмæ сæ алчидæр бацæттæ кодта бæлвырд адæмыхаттимæ баст хæринæгтæ. Уымæй фæстæмæ ма уыд бæрæгбоны концерт. Импровизацигонд сценæмæ рахастой алы адæмты культурæ æвдисæг кæфтытæ æмæ зарджытæ. Бæрæгбон саив кодта Уæрæсейы гвардийы оркестр дæр. Армукъайы архайдтой дагестайнаг, азербайджайнаг, уырыссаг æмæ таджикаг национ æхсæнадты минæвæрттæ. Мадзалы цы фæрæзтæ æрæмбырд, уыдон æрвыст æрцæудзысты сæрмагонд æфсæддон операцийы хæстонтæн æмæ Дагестаны хъыгдардбаййафæг цæрджытæн æххуысæн.