У æппæтæй зæронддæр ахуыргæнæндон канд Цæгат Ирыстоны нæ, фæлæ æнæхъæн Цæгат Кавказы
Дзæуджыхъæуы æфсæнвæндаггон транспорты техникумыл сæххæст 120 азы. У æппæтæй зæронддæр ахуыргæнæндон канд Цæгат Ирыстоны нæ, фæлæ æнæхъæн Цæгат Кавказы. Юбилей сбæрæг кодтой патриотон зарджытимæ. Рауагъдонтæ сæ уарзон техникумæн арфæйы ныхæстæ ракæнынмæ æрбацыдысты Уæрæсейы алы регионтæй. Уазджытæн равдыстой ахуыргæнæндоны историйы тыххæй документалон киноныв. 19-æм æнусы кæрон æмæ 20-æм æнусы райдиан æфсæнвæндæгтæ уыдысты Бæстæйы хъæугæдæр фæрæзтæ. Уæд хъуыд, уыцы дæсныйад чи зоны, ахæм адæм. 1902 азы Дзæуджыхъæуы байгом кодтой æфсæнвæндаджы училищæ. Йæ 120 азон историмæ техникумæн бантыст 26 мин специалисты бацæттæ кæнын. Ныртæккæ техникумы ис 650 студенты, фæсаууонмæ та дзы ахуыр кæнынц 200 адæймаджы.
