Царды йæ уадзынц президентон грантты фонды, «Аланикæйæн» æххуысы фонды, стæй Пушкины номыл аивæдты музейы цæгаткавказаг филиалимæ æмгуыстады фæрцы
Дзæуджыхъæуы æмæ Мæскуыйы æвзонг нывгæнджытæ презентаци скодтой сæхи арт-объекттæн. Конд æрцыдысты, проект «Гений места: Дзæуджыхъæу-Мæскуы» æххæст кæнгæйæ. Царды йæ уадзынц президентон грантты фонды, «Аланикæйæн» æххуысы фонды, стæй Пушкины номыл аивæдты музейы цæгаткавказаг филиалимæ æмгуыстады фæрцы. Дыууæ мæйы дæргъы проекты архайджытæ иртæстой нæ горæт, агуырдтой дзы ног цымыдисаг бынæттæ. Афтæмæй дзæуджыхъæуккаг æрыгон курдиатджын фæсивæд сарæзтой 10 аивадон уацмысы. Ныридæгæн систы горæты фидауц. Мæскуыйаг автортæ та бакуыстой объектты нымæцон хуызыл. Проектæн скодтой сайт æмæ йын æрхъуыды кодтой логотип, ныффыстой подкасттæ. Уыдон æвæрд æрцæудзысты аудиовизуалон гиды бындуры. Проект саразджытæ куыд зæгъынц, афтæмæй ахæм ахсджиаг иумæйаг куыст баххуыс кæндзæн туристтæн нæ республикæимæ хуыздæр базонгæ уæвынæн, æмæ бамбарынæн – бынаты гений цы у, уый. Зæгъдзыстæм ма уый дæр, æмæ проекты архайджыты аивадон объекттæ фенæн ис Центрон æмæ Фæскомцæдисон пакрты.
