Уымæй дарддæр онлайн æмæ офлайн-хуызты дæр
Дзæуджыхъæуы арæзт æрцæудзæн хъæппæристы æмæ технологиты фыццаг фестиваль «Национальная технологическая инициатива». Райдайдзæн 15-æм ноябры æмæ цæудзæн Цæгат Ирыстоны профессионалон цæттæдзинады Центры, республикæйы уæлдæр ахуыргæнæндæтты æмæ сывæллæтты технопарк «Кванториум»-ы. Уымæй дарддæр онлайн æмæ офлайн-хуызты дæр. Фестивалы уыдзысты ахуырадон æмæ куыстадон программæтæ. Се хсæн: алыхуызон сесситæ, дæсныйадæвдисæг ахуыртæ, лекцитæ, онлайн-вебинартæ алывæрсыг темæтæм гæсгæ. Сывæллæттæн фадат уыдзæн сæхи космосон науы пилоты хуызы бафæлварынæн, квадрокоптерæй пайда кæнгæйæ Кавказы рæсугъддæр æмæ ирддæр бынæтты сæрмæ атæхынæн. Уымæй дарддæр та ма Кавказы зындгонд национ хæринæгтæй ацаходынæн, æмæ наукон кинонывтæм бакæсынæн. Фестивалы архайджытæм ма æнхъæлмæ кæсынц профориентацион марафон, къорды змæлды разамонджыты конференци, республикон къордты интерактивон картæйы презентаци æмæ форсайт-сесси фæндаггон картæ саразынæн. Кæронбæттæны кад кæндзысты конкурсы уæлахиздзаутæн. Фестивалы сæйрагдæр хъуыддаг уыдзæн, нырыккон технологитæн адæймаджы царды цы бынат ис, уый тыххæй сæрмагонд проект. Ацы интерактивон равдыст-презентаци уыцы-иу рæстæг ацæудзæн онлайн æмæ офлайн хуызты. Командæтæ сæхи фæлвардзысты программæтæ æмæ 3D-модельтæ аразынæй, биотехнологитæй æмæ æрмдæсныйадæй. Хъæппæристы æмæ технологиты фестиваль арæзт цæуы куыд сывæллæттæн, афтæ сæ ныййарджытæн дæр, профессионалон педагогон æхсæнадæн æмæ студенттæн. Фестиваль фæуыдзæн 30-æм ноябры.
