Баст уыдзæн, сæрмагонд æфсæддон операцийы чи фæмард, уыцы хæстонтимæ
Дзæуджыхъæуы арæзт æрцæудзæн мемориалон комплекс «Лæгдзинады Аллейæ». Баст уыдзæн, сæрмагонд æфсæддон операцийы чи фæмард, уыцы хæстонтимæ. Комплекс арæзт цæуы Скæсæйнаг уæлмæрдты территорийы. Куыстытæ æххæст кæнынц Дзæуджыхъæуы администраци æмæ хæрзаудæн фонд «Будем жить», республикæйы Сæргълæууæг Сергей Меняйлойы хъæппæрисæй. Проектмæ гæсгæ бынаты уыдзæн æнæхъæн архитектурон-мемориалон ансамбль. Хаст æм æрцæудзысты: сæрмагонд ныгæнæн фæз, монументалон цыртдзæвæн «Номарæн стъалы», Мадымайрæмы дзуарынывы аргъуан æмæ æнусон арт. Уымæй дарддæр дзы уыдзæн донхæристы аллейæ. Уæлдай æргом аздахдзысты хъæбатырты нæмттæ сæнусон кæнынмæ. Аргъуаны къултæ уыдзысты чиныджы хуызæн. Уым фыст æрцæудзысты, сæрмагонд æфсæддон операцийы лæгдзинад чи равдыста, уыдоны нæмттæ.
