Ахуыргæнджытæ æрныхас кодтой ивгъуыд ахуыры азы хатдзæгтыл, скъолаты егъау цалцæггæнæн куыстытыл, стæй ахуырады системæйы æнтыстдзинæдтыл
Дзæуджыхъæуы арæзт æрцыд Августы традицион æмбырд республикæйы педагогон кусджыты хсæн. Ахуыргæнджытæ æрныхас кодтой ивгъуыд ахуыры азы хатдзæгтыл, скъолаты егъау цалцæггæнæн куыстытыл, стæй ахуырады системæйы æнтыстдзинæдтыл. Ахуырады æмæ наукæйы министр Алыбекты Эллæ куыд радзырдта, афтæмæй республикæйы 113 скъолайы фæзындзысты директоры уынаффæгæнджытæ. Ног ахуыры азы уæлдай æргом аздахдзысты æфæсддон-патриотон хъомыладмæ. Уæлæмхасæн байгом кæндзысты 23 ног кадетон къласы. Уымæй дарддæр ма царды рауадздзысты егъау проект. Баст у профориентацион куыстимæ. Педагогон колледжты та фæзындысты фылдæр бюджетон бынæттæ. Дзæуджыхъæуы бынæттон администрацийы сæргълæууæг Милдзыхты Вячеслав ма гранттæ радта скъолаты директортæн. Фылдæр æнтыстдзинæдтæ чи равдыста, уыцы ахуыргæнджытæн та – кады грамотæтæ. 2024-æм азæй фæстæмæ ма грантты æххуыс исдзысты горæты хуыздæр 5 скъолайы æмæ æртæ рæвдауæндоны.
