филиал вгтрк государственная телерадиовещательная компания “Алания”

Дзæуджыхъæуы арæзт æрцыд экскурсоводты дыккаг аттестаци. Архайдтой дзы 15 адæймаджы. Фæстаг рæстæг нæм туристтæ бирæ кæй ис, уымæ гæсгæ нæ регионы ахсджиаг у профессионалон гидты фарста. Аттестаци та у æнæмæнг хъæугæ хъуыддаг. Цæмæй экскурсион архайд цæуа профессионалон æмвæзадыл. Фæлварæн арæзт у дыууæ хайæ. Раздæр уал, гид суæвын кæй фæнды, уыдон ацæуынц тест нæ республикæйы историон бынæттæ зонынæнй. Уый фæстæ та сæм æнхъæлмæ кæсы практикон хай. Уым та сæ бахъæудзæн бæрнон жюрийы уæнгтимæ аныхас кæнын. Аттестацион къамисмæ хаст æрцыдысты Цæгат Ирыстоны туризмы комитеты минæвæрттæ, историктæ æмæ географтæ.