25 октября 2023, 11:46
Дзæуджыхъæуы арæзт æрцыд кæронбæттæн зиу æппæтуæрæсеон акци «Уæрæсейы дон»-æн
Терчыбылгæрон сæмбырд 100 æвзонг волонтерæй фылдæр
Дзæуджыхъæуы арæзт æрцыд кæронбæттæн зиу æппæтуæрæсеон акци «Уæрæсейы дон»-æн. Терчыбылгæрон сæмбырд 100 æвзонг волонтерæй фылдæр. Акцийы архайдтой республикæйы экологийы æмæ æрдзон æвæрæнты министр Бæззаты Вадим, Дзæуджыхъæуы сæргълæууæджы хæдивæг Игорь Шаталов æмæ Уæрæсейы æрдзы министрады доны хæдзарады комплексы центры директор Илья Разбаш. Мадзалы сæйраг уазæг сси актрисæ æмæ телеуынынады кусæг Юлия Михалкова. Æдæппæтæй бантыст бырæтты 123 голладжы сæмбырд кæнын.
