Сценæмæ рахуыдтой эстрадон зарæггæнджыты æмæ хъазахъхъаг зарæджы ансамбль «Вольница».
Терчы хъазахъхъæгты культурон центры арæзт æрцыд концерт, Украинæйы сæрмагонд операцийы цы уæрæсейаг æфсæддонтæ архайынц, уыдоны фарс рахæцыны нысанимæ. Мадзал саразыныл бакуыстой Дзæуджыхъæуы хъазахъхъаг æхсæнад, атаман Стародубцевы номыл теркаг хъазахъхъæгты дзæуджыхъæуккаг Цæдис, стæй нæ республикæйы хæлардзинады хæдзары хъазахъхъæгтимæ куысты фæдыл хайад. Сценæмæ рахуыдтой эстрадон зарæггæнджыты æмæ хъазахъхъаг зарæджы ансамбль «Вольница». Хистæртæ куыд бафиппайдтой, афтæмæй ахæм мадзæлттæ ахсджиаг сты се ппæтæн дæр. Иуæй æхсæнады уæнгтæ кæрæдзимæ кæнынц æнгомдæр, иннæмæй та ахæм хуызы æххуыс цæуы æфсæддонтæн дæр. Уыдоны хсæн ис Цæгат Ирыстоны хъазахъхъаг æхсæнады минæвæрттæ дæр.
