Мадзал ацыд Гæздæнты Булаты номыл концертон залы. Мæйы дæргъы Уæрæсейы æмæ Сербийы композитортæ ахуыр кодтой бынæттон фольклор æмæ фыстой ног этюдтæ
Дзæуджыхъæуы арæзт æрцыд сфæлдыстадон резиденци «Удæгас традици»-йы гала-концерт. Мадзал ацыд Гæздæнты Булаты номыл концертон залы. Мæйы дæргъы Уæрæсейы æмæ Сербийы композитортæ ахуыр кодтой бынæттон фольклор æмæ фыстой ног этюдтæ. Аивадон мадзалы тыххæй бæстондæр радзурдзæн Чехойты Фатимæ.
Музыкæ æмæ кафтæн тæлмац нæй, ис сын иумæйаг райгуырæн бынат — адæймаджы зæрдæ. Гæздæнты Булаты номыл концертон залы сценæйы зары ирон фольклоры *взагæй. Ам сæмбырд сты курдиатджын адæм дунейы алы рæттæй, цæмæй радзурой сæ уарзондзинады истори ацы культурæмæ. Композитор Андрей Скоробогатыхы сразæнгад кодта нæ фыдæлты цардыуаг. Дис кодта Дзæуджыхъæуы цы равдыст федта, уый нывтыл. Уым йæ зæрдæйы сæвзæрд рæсугъд хъуыды — сарæзта симфонион уацмыс «Нарты куывд».
Нарты кадджыты темæ цымыдисаг разынд сербаг композитортæн дæр. Се *хсæн — Игорь Андрич. Уый аивадуарзджыты размæ рахаста уацмыс «Похвала мифологическим покровителям».
Композитортæн се *ппæтæн дæр ис нырыккон цæстæнгас æнусон историмæ. Ацы изæр дирижеры пульты раз — Куымæриттаты Тенгиз æмæ Гæздæнты Булаты номыл адæмон инструментты оркестр. Артисттæ куыд фæбæлвырд кодтой, афтæмæй ахæм музыкæ нæ фæцæгъдынц, уымæ гæсгæ сын ацы ногдзинад уыдис цымыдисаг.
Ирон адæмы традициты тыххæй дзырдтой кафты *взагæй дæр. Хореограф Софья Горлова аивадуарзджыты базонгæ кодта йæ уацмыс «Древо»-имæ. Йæ ном дæр йæхиуыл дзуры: уазæджы дисы бафтыдта ирон адæмы ахаст æрдзмæ æмæ нæ уидæгтæм.
æрыгон автортæн сæ курдиат равдисыны фадат фæзынд сфæлдыстадон резиденци «Удæгас традици»-йы архайгæйæ. æнæхъæн мæй сæхи цæттæ кодтой, зонгæ кодтой республикæйы уникалон культурæимæ. Ацы проект æрвылаз баиу кæны, æвзæгтæ æмæ легендæтæ кæй сразæнгард кæнынц, ахæм курдиатджын авторты ног музыкалон композицитæ æмæ хореографион постановкæтæ саразынмæ. Бынæттон хореографион сфæлдыстадон коллективты хæс — уацмысы арф хъуыды раргом кæнын. Сæ куыстыты равдыстой 5-æм юбилейон фестиваль «Выше звука»-йы гала-концерты. Дыууæ проекты дæр Цæгат Ирыстон суазæг кодта фыццаг хатт.
Сфæлдыстадон резиденцийы саразджытæ сты культурæйæн æххуысы фонд «Аланика», фонд «Фидæны рæстæг», стæй культурон æмæ рухстауынадон проектты Центр. æххæстгонд цæуы Цæгат Ирыстоны æмæ Хъæрæсе-Черкесийы культурæйы министрадты руаджы.
