Архайынц дзы иумæйагахуырадон организациты командæтæ футболæй
Дзæуджыхъæуы арæзт æрцыд, Цæгат Ирыстоны Сæргълæууæг Сергей Меняйлойы Кубок рамбулыны ерысты республикон къæпхæн. Архайынц дзы иумæйагахуырадон организациты командæтæ футболæй. Æвзарæн къæпхæны архайынц, муниципалон турты хуыздæр цы коллективтæ разындысты, уыдон. Сты Мызуры, Хъæдгæроны, Дигорайы, Елхоты, Камбилеевскæйы æмæ Дзæуджыхъæуы скъолаты ахуырдзаутæ. Æдæппæтæй 10 командæйы архайынц республикæйы Сæргълæууæджы Кубок рамбулыныл. Уæвгæ та турнир саразыны тыххæй Сергей Меняйло фехъусын кодта ивгъуыд аз фæззæджы. Уæд бабар кодта скъолаты футболон командæтæ саразын. Ацы хъуыддаджы ахсджиаг у сывæллæтты æмæ рæзгæ фæлтæры ргом æнæниз цардыуагмæ здахын, стæй сæм спортивон ерысхъомдзинад гуырын кæнын.
