10 октября 2023, 11:43
Дзæуджыхъæуы арæзт æрцыд Уæрæсейы национ преми «Студент года-2023»-йы регионалон къæпхæн
Проект архайын райдыдта 10 азы размæ. Ацы аз сæ тыхтæ фæлварынц республикæйы 32 минæвары
Дзæуджыхъæуы арæзт æрцыд Уæрæсейы национ преми «Студент года-2023»-йы регионалон къæпхæн. Проект архайын райдыдта 10 азы размæ. Ацы аз сæ тыхтæ фæлварынц республикæйы 32 минæвары. Сты алыхуызон ахуыргæнæндæтты студенттæ. Конкурсантты сæйраг хæс уыд бацæттæ кæнын видео-презентаци æмæ цыбырæй хи тыххæй радзурын. Кæй фæндыд, уыдонæн сæ бон уыд се сфæлдыстадон арæхстдзинад дæр равдисын. Фæлварæнтæн аргъ кодта дæсны жюри. Йæ хыгъды – æхсæнадон организациты минæвæрттæ. Преми æххæстгонд цæуы бæстæйы 70 субъектæй фылдæры. Регионалон къæпхæны хуыздæртыл кæй банымадтой, уыцы студенттæ бахаудзысты национ финалмæ. Уыдзæн ацы аз декабры кæрон Мæскуыйы.
темæмæ гæсгæ
