филиал вгтрк государственная телерадиовещательная компания “Алания”

Дзæуджыхъæуы арæзт æрцыдысты, фыццаг бынат бацахсыны ерыстæ фехтованийæ. Цыдысты дыууæ боны, æмæ дзы архайдтой 120 спорстмены. Фыццаг бон уыдысты рагагъоммæ фембæлдтытæ. Сæ хатдзæгтæм гæсгæ сбæрæг сты финалы архайджытæ. Дыккаг бон та рацыдысты тыхджындæртæ. Ерыс кодтой ахæм дисциплинæты, куыд: шпагæ æмæ рапирæ. Зæгъдзыстæм ма уый дæр, æмæ турнир у традицион. Специалистты хъуыдымæ гæсгæ азæй-азмæ ерысхъомдзинад рæзы, спортсментæ та æвдисынц иттæг хорз цæттæдзинад. Турниры призерты æмæ уæлахиздзауты схорзæхджын кодтой кубоктæй, майдантæй æмæ кады гæххæттытæй.Хуыздæр архайджытæ хæстæгдæр рæстæг нæ республикæйы кад хъахъхъæндзысты Уæрæсейы чемпионаты.