Ацы аз турнир сси регионты хсæн. Архайдтой дзы командæтæ Цæгат Ирыстонæй, Дагестанæй æмæ Кæсæг-Балхъарæй
Дзæуджыхъæуы арæзт æрцыдысты, интеллектуалон хъазт «Что? Где? Когда?»-йы сæрдыгон кубок рамбулыны ерыстæ. Ацы аз турнир сси регионты хсæн. Архайдтой дзы командæтæ Цæгат Ирыстонæй, Дагестанæй æмæ Кæсæг-Балхъарæй.
Зын фарстаты размæ зондахастыл куыст. Сæрдыгон кубок Что? Где? Когда? 6-æм хатт æмбырд кæны, интелектуалон хъæзтытæ чи уарзы, уыдоны. Клуб «Альбус»-ы президент Жанна Бориева куыд зæгъы, афтæмæй ацы аз хъазт у регионты хсæн. Архайынц дзы Дагестаны, Цæцæны æмæ Кæсæг-Балхъары минæвæрттæ.
Хъазт баиу кодта республикæйы æппæт интелектуалон клубты командæты. 25 командæйы æмæ 200 архайæгæй фылдæр. Сæрдыгон кубок Что? Где? Когда? у интелектуалон хъæзтытæй æппæтæй стырдæр. Абоны фарстатæ баст сты историимæ, культурæимæ æмæ Уæрæсейы адæмыхæттыты традицитимæ. Дзæуджыхъæумæ ссыдысты 3 командæйы Дагестанæй, цæмæй интелектуалон хъæзтыты тæваг банкъарой, уый тыххæй. Руслан Рузанов у клуб «Идальго»-йы минæвар. Дагестайнаг интелектуалты куы бафæрсай 1-аг бынатыл тох кæндзысты æви нæ, уæд раттынц цыбыр дзуап.
Адæмæн куыст дæттыны комитеты командæ цæттæ у рамбулынмæ. Интелектуалон тимбилдингы руаджы канд фылдæр зонындзинæдтæ нæ райсдзысты, фæлæ ма коллективы дæр кæрæдзийы хуыздæр æмбардзысты.
Александр ЧаматАйы командæ у æрыгондæртæй иу. Фæлæ сæхи равдыстой дæсны архайджытæй.
Раундты хсæн архайджытæ фæхъусынц Кæсæг-Балхъары музыкантты зарджытæм. 4 раунды, фарстатæ æмæ уæлахиздзауты 3 командæйы. 1 бынат райста Дагестаны командæ, 2 бынат – Дзæуджыхъæуы командæ «555 килограммы». 3-аг бынаты кубок дæр ацæудзæн Дагестанмæ.
