филиал вгтрк государственная телерадиовещательная компания “Алания”

Дзæуджыхъæуы ацыдысты æппæтуæрæсеон ерыстæ фехтованийæ. Ссардтой дзы æппæтадæмон къласы спорты мастер Годжиты Владимиры рухс ном. Ерыстæ цыдысты 24 азы онг кæуыл цæуы, ахæм чызджытæ æмæ лæппуты хсæн. Цæгат Ирыстонмæ ссыдысты Урæсейы алы регионтæй хуыздæр шпажисттæ. 200 спортсменæй фылдæр тох кодтой бæстæйы иугонд командæйы уæнг суæвыныл.  Спортсментæ рейтингæй  сæмбырд кодтой баллтæ. Ерысты бæрæггæнæнтæм гæсгæ, фыццаг бынат райста Токиойы олимпиадæйы æрдæг финалы архайæг Айзанат Муртазаева. Æвзист майданы аккаг та сси мæскуыйаг шпажисткæ Анастасия Рустамова.