Ацы аз хæцæнгарзы алы кълæсты майдантыл тох кодтой Уæрæсейы 11 регионæй 72 хуыздæр мысанæхсæджы
Дзæуджыхъæуы ацыдысты Цæгат Кавказы федералон зылды ерыстæ пневматикон дамбацайæ практикон æхстæй. Ацы аз хæцæнгарзы алы кълæсты майдантыл тох кодтой Уæрæсейы 11 регионæй 72 хуыздæр мысанæхсæджы. Се хсæн Мæскуыйы, Владимиры, Хъырымы, Стъараполы крайы æмæ æндæр горæтты минæвæрттæ. Чемпионаты архайдтой 9 азæй уæлæмæ кæуыл цæуы, ахæм сывæллæттæ дæр. Матчы хæслæвæрдтæ уыдтой фыццаг хатт. Фæлтæрæнимæ базонгæ кæнынæн фæсивæдæн лæвæрд цыди цалдæр минуты. Уыцы рæстæгмæ хъуамæ скодтаиккой 7 мысаны фехсынæн пълан, уый фæстæ хъуамæ фехстаиккой æнæ рæдыдæй. Ерыстæ аразджытæ куыд зæгъынц, афтæмæй ахæм мадзæлттæ рæзгæ фæлтæрмæ гуырын кæнынц спортивон ерысхъомдзинад, стæй ахуыр кæнынц хæцæнгарзимæ архайыныл дæр.
