Дзюдо, фехтовани, волейбол, баскетбол, грекъаг-римаг хъæбысхæст
Дзæуджыхъæуы байгом спортивон хъæбысхæсты тренировкæтæгæнæн центр. Дзюдо, фехтовани, волейбол, баскетбол, грекъаг-римаг хъæбысхæст. Æппæт ацы секцитæм уыцы-иу рæстæг цæуыны фадат уыдзæн 100 адæймагæй фылдæрæн. Центр байгом кæныны кадджын мадзалмæ хуынд æрцыд не сфæлдыстадон къорд дæр, æмæ бæлвырддæр хабæрттæ радзурдзæн Гæджиты Сослан.
Спортивон хъæбысхæсты ног центры сывæллæттæн фадат уыдзæн спорты аст хуызæй архайынæн. Цæгатирыстойнаг центрæй дарддæр ма нæ бæстæйы алы регионты байгом кодтой фынддæс комплексы. Куыстытæ бакодтой, федералон проект «Спорт – норма жизни» æххæст кæнгæйæ.
Сæйрагдæр æргом аздæхтой хъæбысхæсты хуызтæм. Æртæ маты æмæ алыхуызон тренажертæ. Спортсменты ног фæлтæр сæ цæттæдзинадыл æфтауыдзысты нырыккон уавæрты.
Ныридæгæн нæ республикæйы сæрмагондæй фехтованийæн хицæн зал нæ уыди. Афтæмæй та нæм спорты ацы хуызы традицитæ парахат кæнынц. Ныр та сын арæзт æрцыдысты цыппар фæзы. Чи зоны æмæ фехтованимæ се ргом аздахдзысты фылдæр лæппутæ æмæ чызджытæ.
Хицæн зал арæзт æрцыд дзюдоисттæн. У стыр æмæ æнцонвадат. Уыцы-иу рæстæг дзы тренировкæтæ кæндзæн æвдай адæймаджы. Сæвæрдтой сын 6 татамийы.
Баскетболæй, мини-футболæй, волейболæй æмæ аивадон гимнастикæйæ ахуыртæн дзы арæзт æрцыд сытр зал. Трибунæты та ис сæдæ бынаты.
Спортивон хъæбысхæстæй цæттæгæнæн центр ныридæгæн скуыста æппæт хъомысæй. Специалисттæ зæгъынц, цалдæр азы фæстæ йæ фæрцы Цæгат Ирыстоны фæзындзæн æппæтадæмон спортивон форумты бирæ майдантæ.
